‘మిషన్ ఇంపాజిబుల్’ టైటిల్ తో వస్తున్న బాలల చిత్రం !
పెద్ద నిర్మాణసంస్థల్లో ఒక్కటైన ‘మాట్నీ ఎంటర్టైన్మెంట్’ ఇప్పుడు కొత్తవారిని ఎంకరేజ్ చేస్తూ సినిమాలు నిర్మిస్తుంది. ప్రస్తుతం ‘ఏజెంట్ సాయి శ్రీనివాస ఆత్రేయ’ వంటి మంచి సినిమాలకు దర్శకత్వం వహించిన స్వరూప్ ఆర్ఎస్ జె తో ఓ సినిమా చేస్తుంది. వైవిధ్యమైన స్టోరీ తో ఈ సినిమాను తెరకెక్కిస్తున్నారు.
శనివారం పూజా కార్యక్రమాలతో ఈ సినిమా ని స్టార్ట్ చేసారు. ఈ సందర్భంగా సినిమా టైటిల్ తో పాటు ఫస్ట్ లుక్ పోస్టర్ ని వీరు రిలీజ్ చేసారు.
ఈ పోస్టర్ లో ముగ్గురు బాలలు కృష్ణుడు, రాముడు, హనుమంతుడు గెటప్స్ లో కనిపిస్తున్నారు. వెనకాల వాంటెడ్ అనే బ్లాక్ అండ్ వైట్ పోస్టర్ ఉంది. ఈ చిత్రంలో ఈ ముగ్గురి క్యారెక్టర్స్ తో పాటు ఇద్దరు లీడ్ యాక్టర్స్ కూడా ఉన్నట్టు తెలుస్తుంది.
అతి త్వరలోనే వారి క్యారెక్టర్స్ ని కూడా రివీల్ చేయనున్నారు. ఈ సినిమా కి మార్క్ కె.రాబిన్ సంగీతం సమకూర్చుతున్నారు. ఈ డిసెంబర్ 14 నుండి రెగ్యులర్ షూట్ జరగనుంది.
