News

11 మంది చనిపోయిన చలించని కేంద్ర ప్రభుత్వం

ఆందోళనల్లో భాగంగా 11 మంది అన్నదాతలు మరణించడంపై రాహుల్ గాంధీ మండిపాటు… అమల్లోకి తెచ్చిన కొత్త వ్యవసాయ చట్టాలకు వ్యతిరేకంగా గత 17 రోజులుగా రైతులు ఆందోళన చేస్తున్న విషయం తెలిసిందే . అయితే ఈ ఆందోళనల్లో భాగంగా రైతులు మరణించారంటూ వచ్చిన వార్తా కథనాలపై కాంగ్రెస్ మాజీ అధ్యక్షుడు , ఎంపి రాహుల్ గాంధీ స్పందించారు . కేంద్ర ప్రభుత్వంపై నిప్పులు చెరిగారు . నూతన వ్యవసాయ చట్టాలు రద్దు చేయా లంటే రైతులు ఇంకెన్ని త్యాగాలు చేయాలని నిలదీశారు . పంజాబ్ , హర్యానా రాష్ట్రాలకు చెందిన రైతులు దేశ రాజధానిలోని వివిధ సరిహ దుల్లో గత రెండు వారాలకు పైగా నుంచి ఆందోళన చేస్తున్నారు . ఇప్పటికే రైతు ప్రతినిధులు , కేంద్రానికి ముధ్య అధికారికంగా దాదాపు ఐదుసార్లు చర్చలు జరిగాయి . అయినా ప్రతిష్టంభన కొనసాగుతూనే ఉంది .

వివాదా స్పద మూడు చట్టాలను రద్దు చేయాలన్న ప్రధాన డిమాండ్ తో రైతులు ఇంకా ఆందోళన ఉధృతం చేస్తున్నారు . ఈ నేపథ్యంలో రాహుల్ స్పందిస్తూ వ్యవసాయ చట్టాలను రద్దు చేయాలంటే ఇంకెంత మంది రైతులు త్యాగం చేయాలని ట్విట్టర్ వేదికగా కేంద్రానికి ప్రశ్నించారు . గత 17 రోజులుగా రైతుల ఆందోళనల్లో భాగంగా 11 మంది అన్నదాతలు అనారోగ్యానికి పాలుకావడం లేదా ప్రమాదానికి గురికావడం వంటి కారణాలతో మరణించారంటూ మీడి యాలో వచ్చిన కథనాలను రాహుల్ ట్విట్టర్ లో షేర్ చేశారు . ఈ 17 రోజుల్లో 11 మంది రైతు సోదరులు మృత్యువాత పడినప్పటికీ మోడీ ప్రభు త్వానికి ఎలాంటి పశ్చాత్తాపం చెందడం లేదని కాంగ్రెస్ ముఖ్య అధికార ప్రతినిధి రణదీప్ సుర్దేవాలా ఆగ్రహం వ్యక్తం చేశారు . ప్రభుత్వం ఇప్పటికీ అన్నదాతలకు కాకుండా డప్పు సమకూర్చే వారికి అండగా నిలుస్తుందని విమర్శించారు .

11 మంది చనిపోయిన చలించని కేంద్ర ప్రభుత్వం

ఈ మేరకు సుర్దేవాలా ట్వీట్ చేశారు . రాజ్యాంగ బాధ్యత గొప్పదా ?, మొండితనం గొప్పదా ? అని ఈ దేశం తెలుసుకోవాలనుకుం టోంది ‘ అని ఆయన ప్రశ్నించారు . రైతులు తాము పండించిన పంటలను దేశంలో ఎక్కడైనా విక్రయించేందుకు , దళారీ వ్యవస్థకు అంతం పలికేం దుకు వ్యవసాయరంగంలో భారీ సంస్కరణలు తీసుకురావాలన్న ఉద్దే శంతో సెప్టెంబర్ లో మూడు వ్యవసాయ బిల్లులను పార్లమెంట్‌లో ప్రవేశ పెట్టి ఆమోదింపచేసుకుంది . ప్రభుత్వాన్ని వ్యతిరేకిస్తూ మావోయిస్టు , దేశద్రోహి ముద్ర మోడీ ప్రభుత్వాన్ని వ్యతిరేకించిన ప్రతి ఒక్కరిపై మావోయిస్టులు గానూ , దేశ ద్రోహులుగానూ ముద్ర వేస్తున్నారని కాంగ్రెస్ ఆరోపించింది . అదే విధంగా ఆందోళన చేస్తున్న రైతుల డిమాండ్లను అంగీకరించాలని డిమాండ్ చేసింది . రైతుల ముసుగులో శాంతియుతంగా చేస్తున్న అన్నదా తలు ఉద్యమాన్ని చెడగొట్టేందుకు కొన్ని అసాంఘిక శక్తులు కుట్ర పన్ను తున్నాయని వ్యవసాయశాఖ మంత్రి నరేంద్ర సింగ్ తోమర్ వ్యాఖ్యానిం చిన మరుసటి రోజు కాంగ్రెస్ పై విధంగా పేర్కొంది .

రైల్వే శాఖమంత్రి పీయుష్ గోయల్ కూడా రైతుల ఆందోళనలను తిరుగుబాటుదారులు , మావోయిస్టు శక్తులు నియంత్రణలోకి తీసుకున్నట్లు కనిపిస్తోందని బహి రంగ వ్యాఖ్యలు చేశారు . ఈ నేపథ్యంలో సుర్దేవాలా ట్వీట్ చేస్తూ ‘ మోడీజీ … ప్రజాస్వామ్యంలో నిరంకుశత్వానికి స్థానం లేదు . ప్రభుత్వాన్ని వ్యతిరేకించిన ప్రతి ఒక్కరిని మావోయిస్టుగా , దేశ ద్రోహిగా చూడడం మీరు , మీ మంత్రుల విధానంగా ఉంది ‘ అని అన్నారు . ఎముకలు కొరికే చలిలో , భారీ వర్షాలను సైతం లెక్క చేయకుండా ఆందోళన చేస్తున్న రైతులకు క్షమాపణలు చెప్పాలని డిమాండ్ చేశారు . చట్టబద్ధమైన అన్నదాతల డిమాండ్ల ను అంగీకరించాల న్నారు .

Leave a Reply

Your email address will not be published. Required fields are marked *

Back to top button